Цените на кафето Арабика паднаа на најниско ниво во последниот месец – 3,6 долари за фунта, што е околу 8 долари (6,8 евра) за килограм.
Ова се случи по веста дека американските парламентарци подготвуваат закон за ослободување на увозот на кафе од царини, кои беа воведени во јануари 2017 година, објави „Трејдинг економикс“.
Претставниците на двете партии во американскиот Конгрес, и републиканците и демократите, поддржуваат предлог што би го опфатил печеното кафе, како и кафето без кофеин и нуспроизводите.
Дури и ако биде усвоен од Конгресот, предлогот сепак ќе бара верификација од страна на американскиот претседател Доналд Трамп.
Пазарите на кафе беа нестабилни, а арабика се приближуваше до рекордни максимуми претходно оваа недела поради неизвесноста во снабдувањето и прекините во трговијата по царините што САД ги наметнаа на Бразил, најголемиот светски извозник на кафе.
Потенцијалното ослободување би ги намалило тие притисоци, бидејќи бразилските земјоделци би можеле да ослободат залихи на пазарот и да ја зголемат понудата.
Времето е исто така во фокусот, а очекуваните врнежи од дожд во Бразил се клучни за жетвата следната година.
Од друга страна, Виетнам се подготвува за најголемата жетва на кафе робуста во последните четири години, што дополнително влијае на цените.