На валутните пазари, вредноста на американскиот долар во однос на кошничката валути благо се зголеми во претпладневното тргување во четвртокот.
Индексот на доларот, кој ги покажува перформансите на американската во однос на другите шест најважни светски валути, претпладнево е околу 97,82 поени, додека вчера во истиот пресек од тргувањето изнесуваше 97,78 поени.
Во исто време, цената на еврото се лизна од вчерашните 1,1715 на 1,1695 долари.
Американската валута зајакна во однос на јапонската, па курсот на доларот достигна 147,45 јени, додека ден претходно во истиот период чинеше 147,40 јени.
Инвеститорите денеска ќе се фокусираат на редовната седница на челниците на Европската централна банка (ЕСВ), иако не се очекува натамошно намалување на каматните стапки.
Цените на нафтата, од друга страна, изгубија дел од вчерашните добивки. На лондонскиот пазар цената на барелот претпладнево се лизна на 67,37 долари, додека на американскиот пазар цената на барелот се намали на 63,52 долари.