Цените на нафтата на американскиот пазар пораснаа во саботата наутро, при што нафтата WTI, репер за американскиот пазар, на 67,18 долари, а нафтата од типот Брент на 70,58 долари за барел, објави Oil Price.
Цените на нафтата се стабилизираа над 70 долари во петокот, а инвеститорите проценуваат дека преговорите за ставање крај на руско-украинската војна ќе потрае и ќе го одложат враќањето на руската нафта на западните пазари.
На лондонскиот пазар барел нафта се тргуваше по пладне по цена од 35 центи повисока од претходното затворање на 70,23 долари.
Во Њујорк со барелот се тргуваше по 27 центи повисока цена, по 66,82 долари, пренесува агенцијата Мина.
Пазарите беа потресени во четвртокот од ескалацијата на тензиите во трговските односи меѓу Соединетите Американски Држави (САД) и Европската унија (ЕУ).
ЕУ одговори на американските царини за увоз на алуминиум и челик со предлог за царини за широк спектар на американски производи. Американскиот претседател Доналд Трамп исто така навести дека би можел да возврати со царини од 200 проценти.
„Ситуацијата со тарифите во голема мера ја дефинира пазарната перцепција за побарувачката оваа година“, рече Ендрју Липоу од Lipow Oil Associates.
Инвеститорите стравуваат дека царините ќе ја забават глобалната економија и побарувачката за енергија. Пазарите, исто така, внимателно ги следат преговорите за ставање крај на руско-украинската војна.
Украинските претставници го прифатија предлогот на САД за 30-дневен прекин на огнот и го чекаа одговорот на Москва.
Рускиот претседател Владимир Путин во четвртокот изјави дека Москва се согласува со американските предлози, нагласувајќи, сепак, дека прекинот на огнот треба да биде увертира за траен мир и да вклучи обиди за решавање на причините за конфликтот.
Аналитичарите од одговорите на Москва заклучија дека војната нема да заврши наскоро.
Во петокот, Кина и Русија го поддржаа Иран откако САД побараа преговори со Техеран за неговата нуклеарна програма. Дијалогот треба да продолжи исклучиво врз основа на меѓусебно почитување, рекоа кинески и руски дипломати, додавајќи дека САД мора да ги укинат сите санкции.
„Повеќето прогнози за цените на нафтата укажуваат на пад во блиска иднина, но геополитичките тензии сепак би можеле да предизвикаат прекини во снабдувањето“, напишаа аналитичарите на ANZ во белешката до клиентите.
Организацијата на земјите извознички на нафта (ОПЕК) и нејзините сојузници имаат намера да ја зголемат понудата за 138.000 барели дневно од почетокот на април, според пресметката на Ројтерс. Рускиот вицепремиер Александар Новак сепак потсети дека може да ја сменат производната политика и да пуштат уште помалку буриња на пазарот, доколку тоа го налагаат околностите.
ОПЕК одделно објави дека барел од кошничката нафта на нејзините членки во четвртокот поскапе за 79 центи на 73,34 долари.
