Охрид е град со многу потенцијал за развој на туризмот и дава можности за нови заеднички инвестиции во регионот, смета претседателот на Стопанската комора на Србија, Марко Чадеж.
За време на посетата на Охрид во С. Македонија, тој за „Танјуг“ изјави дека територијата околу Охридското Езеро има многу простор за подобрување и проширување на сместувачките капацитети, но и дека туристичката понуда треба да се заокружи со нови содржини кои ќе привлечат туристи од сите страни на светот.
На крајот на минатата недела Чадеж се сретна со претставници на стопанските комори на С. Македонија, Албанија, Босна и Херцеговина и Црна Гора во врска со соработката во рамките на Коморскиот инвестициски форум.
