Кинеската компанија „Чери“ очекува дека до крајот на годината повеќе од половина од возилата што ги извезува ќе бидат произведени во странство, а до 2030 година тој удел треба да се зголеми за 70 проценти, изјави извршниот потпретседател Џанг Гуибинг.
Во моментов, „Чери“ произведува околу 48 проценти од извезените возила во странство, рече Џанг.
Компанијата почна да произведува повеќе возила на странските пазари не само за продажба, туку и за создавање работни места и соработка со локалните технолошки компании.
„Постепено сакаме да префрлиме што е можно повеќе производство на пазарите каде што работиме“, рече Жанг на настан во седиштето на компанијата во Вуху.
Компанијата, исто така, објави дека од 2027 година ќе започне со изградба на станици за брзо полнење и складирање на енергија во земји како Велика Британија, Шпанија и Тајланд. Тие, исто така, најавија роботски такси за следната година, за почеток на пазарот на Обединетите Арапски Емирати.
Податоците од Европската асоцијација на производители на автомобили (ACEA) покажуваат дека 260.650 нови возила „Чери“, се регистрирани во Европа во првите девет месеци од оваа година, што е 3,6 пати повеќе отколку во истиот период минатата година.
Само во септември, во Европа се регистрирани 52.801 нови возила од марката „Чери, што е речиси три пати повеќе од минатата година.