Dacia продолжува со производството

21

Романскиот производител на автомобили Dacia, оддел на францускиот Renault, е подготвен да го продолжи производството во фабриката Миовени, соопшти компанијата во четвртокот.

Првата фаза ќе вклучува продолжување на работата на механички делови и шасии од 21 април со намален број на работници. Фабриката за склопување ќе продолжи да работи во две смени.

“За време на прекинот на производствените активности, беа дефинирани мерки за заштита на работниците за да се подготват за враќање на работното место. Овие мерки за хигиена и безбедност ќе бидат строго применети. Вработените ќе бидат информирани за потребата да се придржуваат кон преземените мерки за заштита на нивното здравје и нивните колеги“, стои во соопштението.

Dacia вработува 14.000 луѓе во фабриката во Миовени.

Фото: Pixabay