Дали германската економија почна да ја гледа светлината на крајот од тунелот? Поголемите нарачки во август, за 3,9 отсто повеќе отколку во јули, внесуваат допир на оптимизам.
Овој резултат претставува пресврт во однос на јули, кога нарачките паднаа за 11,3 отсто во однос на јуни, објави денеска германската федерална статистичка служба Destatis.
Податоците за тримесечната споредба, која е помалку подложна на осцилации, покажуваат дека тоа не е вишок. Според тоа, германските фабрички нарачки во периодот од јуни до август се зголемени за 4,9 отсто во однос на претходните три месеци.
Месечниот пораст на нарачките во август во најголем дел се должи на растот на нарачките во секторот производство на опрема за обработка на податоци, електронски и оптички производи, за 37,9 отсто во однос на претходниот месец.