Девизните резерви на Русија паднаа за 2,79 милијарди евра за една недела на 544 милијарди евра, колку што е забележано на 26 мај, објави Централната банка на Русија. Во соопштението се додава дека вредноста на девизните резерви се намалила за 0,55 отсто за неделата поради негативната ревалоризација и трансакциите во рамките на фискалните правила, пренесува ТАСС.
На веб-страницата на Банката на Русија се наведува дека во Русија се очекува зголемување на годишната инфлација почнувајќи од мај и се наведува дека нејзината структура се менува.
Цените на стоките и услугите кои имаат висока нестабилност, односно флуктуација, растат побавно од цените на стоките и услугите кои инаку се постабилни, според БР.
Годишната стапка на инфлација во Русија во април беше 2,3 отсто.
