BMW неодамна го претстави електричниот Neue Klasse на Саемот за автомобили во Минхен. Целта е да се стигнат и престигнат кинеските производители во овој сегмент на автомобили. Но, BMW не ја напушта својата традиција. Autocar India објавува дека директорот за продажба на брендот, Јохен Голер, бил непоколеблив во врска со прашањето: дали BMW ќе престане да произведува мотори со внатрешно согорување?!
– Никогаш – рече тој.
ЕУ одлучи дека по 2035 година, нови бензински и дизел автомобили (и хибриди) нема да се продаваат на земјите-членки. Во моментов, кинеските производители имаат голема предност во однос на европските, особено кога станува збор за цената на новите електрични автомобили. Минатата недела, Здружението на европски производители на автомобили (ACEA) се сретна со претседателката на Европската комисија, Урсула фон дер Лајен, на итен состанок. Една од точките беше желбата на автомобилската индустрија да го продолжи рокот и да продолжи да продава автомобили со мотори со внатрешно согорување по таа година. Многу аналитичари веруваат дека обидите на автомобилската индустрија ќе бидат залудни.
БМВ планира нова генерација автомобили на бензин и дизел кои ќе бидат достапни во Источна Европа, Индија и земјите каде што електрификацијата сè уште не е вкоренета. Таа ќе остане таква дури и по 2035 година.
Фото:Pixabay