„Дојче банк“ прогнозира дека по урамнотежената ситуација на светскиот пазар на нафта во првите шест месеци од тековната година, побарувачката ќе се зголеми во втората половина на 2024 година и ќе ги поттикне цените на нафтата до 88 долари за барел до крајот на 2024 година.
Банката смета дека цената на нафтата Брент во првата половина на 2024 година треба да биде максимум 83 долари за барел и смета на фактот дека членките на нафтениот картел ОПЕК + ќе продолжат да се придржуваат до доброволните ограничувања за производство на нафта.
Аналитичарите прогнозираат дека земјите од ОПЕК+ нема да го зголемат производството на нафта пред третиот квартал од 2024 година, пишува порталот Оилпрајс.
Цените на нафтата се намалуваат оваа недела поради загриженоста дека американската централна банка може да започне со намалување на каматните стапки подоцна од очекуваното.
