На девизните пазари благо порасна вредноста на доларот во однос на кошничката на валути.
Индексот на доларот, кој ја покажува вредноста на американскиот долар во однос на другите шест најважни светски валути, утринава се движи околу 104,05 поени, додека вчера во ова време изнесуваше 104 поени.
Истовремено, курсот на доларот во однос на јапонската валута се лизна од вчерашните 139,55 на 139,25 јени.
Сепак, американската валута зајакна во однос на европската, па цената на еврото се лизна на 1,0695 долари, додека вчера во ова време беше 1,0720 долари.
Цените на нафтата, од друга страна, паднаа. Цената на барелот на лондонскиот пазар утрово се лизна за 0,64 отсто, на 75,80 долари, додека на американскиот пазар цената на барелот се намали за 0,61 отсто, на 71,30 долари.
Пад на кинескиот извоз и увоз
На азиските берзи во средата се тргуваше внимателно, бидејќи инвеститорите беа загрижени од податоците за значителниот пад на кинескиот извоз и увоз, што укажува на слабост и на домашната и на странската побарувачка.
Индексот MSCI на азиско-пацифичкиот регион, без Јапонија, порасна за 0,3 отсто околу 07:00 часот.
Истовремено, јапонскиот индекс Никеи падна за 1,1 отсто, додека цените на акциите во Шангај, Австралија, Јужна Кореја и Хонг Конг пораснаа меѓу 0,1 и 1,2 отсто.