По 11 недели континуиран раст, на валутните пазари вредноста на доларот во однос на кошничката валути благо падна минатата недела, но по значителни осцилации.
Индексот на доларот, кој ја следи вредноста на САД во однос на шесте најважни светски валути, минатата недела ослабна за 0,06 отсто, на 106,10 поени.
Истовремено, доларот ослабе за 0,07 отсто во однос на европската валута, па цената на еврото достигна 1,0585 долари.
Курсот на доларот се лизна и во однос на јапонската валута, за 0,06 отсто, на 149,30 јени.
Во текот на неделата, индексот на доларот значително флуктуираше. Во средината на неделата за прв пат по 11 месеци се проби над нивото од 107 поени, но до крајот на неделата значително се лизна под тоа ниво.
Осцилациите на курсевите на валутите најмногу зависеа од шпекулациите дали американската централна банка уште еднаш ќе ги зголеми каматните стапки до крајот на годината.
