На девизните пазари вредноста на доларот во однос на кошничката валути благо падна во вторникот, по вчерашниот силен раст.
Индексот на доларот, кој ја покажува вредноста на американскиот долар во однос на другите шест најважни светски валути, ослабе за 0,1 отсто, на 102,36 поени, откако вчера достигна највисоко ниво од 3 април.
Утрово курсот на доларот во однос на јапонската валута зајакна за 0,15 отсто, на 133,40 јени.
Но, американската валута ослабе во однос на европската, па цената на еврото порасна за 0,14 отсто, на 1,0875 долари.
Цените на нафтата, пак, утрово пораснаа. Цената на барелот на лондонскиот пазар се зголеми за 0,64 отсто, на 84,93 долари, додека на американскиот пазар барелот поскапе за 0,70 отсто, на 80,59 долари.
Фото: Facebook