На светските берзи вредноста на доларот во однос на кошницата валути се зголеми и минатата недела, трет пат по ред, бидејќи, според сите сметки, американската централна банка ќе ги подигне каматните стапки на повисоки нивоа од очекувањата на пазарот.
Индексот на доларот, кој го покажува движењето на американскиот долар во однос на другите шест најважни светски валути, минатата недела зајакна за 0,3 отсто, на 103,88 поени.
Истовремено, доларот ослабе за 0,2 отсто во однос на европската валута, па цената на еврото достигна 1,0695 долари.
Сепак, курсот на доларот во однос на јапонската валута скокна за околу 2 отсто, на 134,15 јени.
Во текот на неделата, индексот на доларот се проби над границата од 104 поени и достигна највисоки нивоа во последните шест недели.
Јачината на доларот е благодарение на серијата неодамнешни податоци кои покажуваат дека инфлациските притисоци во САД не се намалуваат толку брзо како што се надеваа инвеститорите и дека економијата и пазарот на трудот остануваат многу силни, и покрај агресивното зголемување на стапката на ФЕД во изминатата година.
