Доларот зајакна петта недела по ред

20

На девизните пазари вредноста на доларот во однос на кошничката валути повторно порасна минатата недела, петти пат по ред, откако стана се појасно дека каматните стапки на американската централна банка ќе останат покачени подолго од очекуваното.

Индексот на доларот, кој ја покажува вредноста на американската во однос на шесте најважни светски валути, минатата недела зајакна за 0,1 отсто, на 106,12 поени и во еден момент достигна највисоко ниво во последните пет месеци.

Истовремено вредноста на доларот во однос на европската валута се „лизна“ за 0,1 отсто, па цената на еврото се искачи на 1,0655 долари.

Сепак, доларот зајакна во однос на јапонската валута, за 0,9 отсто, па неговиот курс достигна 154,65 јени и се движи околу највисокото ниво во последните 34 години.

Јакнењето на доларот е последица на оценката дека американската централна банка нема да започне со намалување на каматните стапки толку брзо како што се очекуваше бидејќи економијата и пазарот на труд се се уште силни, додека инфлацијата е покачена.