Доверителите на неуспешната размена на криптовалути FTX треба да добијат до 16,5 милијарди долари според планот за стечај, одобрен во САД во понеделник.
Договорот ќе стави крај на сагата што започна кога компанијата банкротираше во ноември 2022 година, оставајќи милиони корисници ширум светот без пристап до нивните сметки.
Минатата година, поранешниот директор Сем Бенкмен-Фрид беше осуден за кражба на средства од клиенти пред колапсот, а подоцна беше осуден на 25 години затвор.
Според FTX, договорот ќе им овозможи на поранешните клиенти да повратат до 119 проценти од она што го имале на нивните сметки во времето на банкрот.
Би-би-си пишува дека кредиторите очекуваат да ги добијат своите средства 60 дена по официјалното потврдување на договорот, но тој датум се уште не е договорен.
Џон Џеј Реј Трети, адвокатот назначен да раководи со процесот на стечај на FTX и актуелен извршен директор на компанијата, рече дека одобрувањето на планот е „значајна пресвртница“ во напорите на компанијата да им врати пари на луѓето и бизнисите во повеќе од 200 јурисдикции околу светот.
„Гледајќи напред, подготвени сме да вратиме 100 отсто од стечајните побарувања, плус каматите, на невладините доверители во она што ќе биде најголемата и најсложената распределба на средствата од стечајната маса во историјата“, рече Реј.
