Оние кои сакаат да го одржат вообичаениот животен стандард во староста тешко можат да го сторат тоа само од државната пензија. Според проценките на финансиските експерти, за да се продолжи животот без големи жртви по пензионирањето, потребни се најмалку 80 проценти од последната плата.
Просечната пензија во Македонија во јуни изнесува 26.207 денари (425 евра) што е речиси 58% помалку од просечната нето плата. Просечната месечна исплатена нето-плата по вработен исплатена во земјава во јуни изнесувала 45.468 денари (738. евра). Ова значи дека просечниот пензионер располага со околу 57,7% од просечната плата, што е значително под границата од 80% која се смета за потребна за достоинствен живот во пензија. На просечниот пензионер во Македонија недостасуваат околу 10.000 денари месечно за да го достигне минимумот од 80% од последната просечна плата.
Како се справува регионот?
Во Црна Гора, сепак, просечната пензија изнесува само 525 евра, што е речиси двојно помалку од просечната нето плата, која е малку над 1.000 евра. Со други зборови, од пензијата недостасуваат околу 275 евра месечно за да се достигне „правилото од 80 проценти“.
Земјите во околното подрачје имаат сличен проблем, иако разликите во стандардите јасно покажуваат колку е голем предизвик да се обезбеди безбедна старост.
Србија: просечна плата околу 820 евра, просечна пензија околу 400 евра. Пензионерите имаат само 49% од своите заработки.
Хрватска: просечната плата е 1.350 евра, а пензијата е околу 600 евра, што изнесува само 44% од просечната плата – еден од најниските удели во регионот.
Словенија: просечна плата околу 1.500 евра, пензија околу 800 евра. Пензионерите добиваат малку повеќе од 53% од заработката – што е најповолниот сооднос во регионот.
Босна и Херцеговина: просечната плата е околу 480 евра, додека просечната пензија е околу 305 евра. Ова значи дека пензионерите имаат приближно 63% од просечната плата. Сепак, една анализа наведува дека просечната пензија изнесува само 31% од просечната бруто плата, што укажува на значителни разлики помеѓу нето и бруто индикаторот.
Иако износите се различни, истото правило важи насекаде: државната пензија сама по себе не е доволна, пренсеува Банкар.ме.