Американскиот производител на електрични автомобили задржа мало водство во продажбата на електрични возила во однос на BYD во претходниот квартал, но компанијата со седиште во Шенжен ја намалува таа разлика.
Вкупната продажба на возила на BYD ќе се зголеми за повеќе од 41 отсто во 2024 година. Тој скок главно е поттикнат од продажбата на хибридни автомобили, пишува Би-Би-Си.
Ова е резултатот, меѓу другото, на владините субвенции кои ги охрабрија потрошувачите да купуваат електрични автомобили по пристапни цени.
BYD продава 90 отсто од своите автомобили во Кина, каде што ја зголеми предноста пред странските брендови како Volkswagen и Toyota.
Натпреварувачите се соочуваат со предизвик
Сепак, додека Кинезите профитираат, кај нивните конкуренти не се баш „расцветани рози“.
Да потсетиме, јапонските компании Honda и Nissan минатиот месец потврдија дека преговараат за спојување, сè со цел да се обидат да одговорат на конкуренцијата на кинеската автомобилска индустрија.
Исто така, Volkswagen објави дека постигнал договор со синдикатот IG Metall, кој ќе спречи затворање на фабрики во Германија и бран отпуштања.
Германскиот автомобилски гигант претходно предупреди дека би можел да затвори фабрики на домашниот пазар за прв пат во својата историја за да ги намали трошоците.
На почетокот на декември, Карлос Таварес, шефот на автомобилскиот гигант Stellantis, поднесе оставка по конфликтот во бордот на директори.
Неговото нагло заминување од компанијата, која поседува марки како Vauxhall, Jeep, Fiat, Peugeot и Chrysler, дојде два месеци откако Stellantis издаде предупредување за пад на профитот.
Во третиот квартал од 2024 година, BYD забележа силен раст на приходите, надминувајќи го Тесла за прв пат.
Компанијата генерираше повеќе од 200 милијарди јуани (28,2 милијарди долари) приход помеѓу јули и септември, 24 отсто повеќе од истиот период минатата година, надминувајќи ја компанијата на Илон Маск чии квартални приходи беа 25,2 милијарди долари.
Сепак, Tesla продаде повеќе електрични возила од BYD.