ЕК казни пет банки поради картелско здружување

30

Европската комисија им изрече казни на пет банки за нелегално картелско здружување во тргување со девизи.

Швајцарската UBS, британската Barclays, Royal Bank of Scotland (RBS), HSBC и Credit Suisse се казнети со вкупно 344 милиони евра (390 милиони долари), соопшти ЕК.

Истрагата, која се фокусираше на тргување со валутите на земјите и составот на Г10, откри дека трговците со девизи во овие пет банки разменувале чувствителни информации и разговарале за плановите за тргување. Тие повремено ги координирале плановите за онлајн тргување во професионална група за разговор наречена Sterling Lads, соопшти ЕК.

Паричните казни за четири банки – UBS, Barclays, RBS и HSBC – беа намалени за 10 отсто бидејќи го признаа своето учество во картелот.

Credit Suisse не доби вакво намалување бидејќи не соработуваше со надлежните, соопшти Комисијата, додавајќи дека казната на таа банка е намалена за 4,0 отсто, бидејќи таа не е одговорна за сите аспекти на случајот.

CBNC истакнува дека на крајот, UBS воопшто нема да мора да ја плати казната бидејќи банката добила „целосен имунитет“ откако пријавила постоење на картел.

„Нашите одлуки за казнување на картелот UBS, Barclays, RBS, HSBC и Credit Suisse испраќаат јасна порака дека Комисијата останува посветена на обезбедување здрав и конкурентен финансиски сектор кој е од суштинско значење за инвестициите и растот“, рече Маргрет Вестагер, шеф на комисијата за заштита на конкуренцијата во соопштение до медиумите.