Европската комисија предложи уредба за воспоставување дигитална потвда што би требало да овозможи безбедно патување во рамки на Европската унија додека трае пандемијата. Тоа ќе биде доказ дека лицето е вакцинирано, веќе ја прележало болеста или има негативен тест на коронавирусот.
Потврдите ќе бидат бесплатни, во дигитална и хартиена форма на јазикот на земјата што ги издава и на англиски јазик. Ќе содржат и код со којшто ќе се верификува автентичност на потврдата. Тие ќе бидат ускладени и доверливи низ цела ЕУ.
Комисијата ги повикува земјите членки и Европскиот парламент што поскоро да го усвојат предлогот за да може уредбата да стапи на сила до ова лето.
Целта на оваа уредба е да се спаси туризмот во рамки на Европската унија.
Според податоците на Комисијата, досега во ЕУ се вакцинирани само 3,5% од жителите.
Фото: Pexels