Поради драстичното зголемување на бројот на заразени со корона вирусот во Кина, имаше големи проблеми во транспортот на приодите до едно од најважните пристаништа во светот – Шангај. Овие проблеми се закануваат да предизвикаат верижна реакција и да се шират на целата планета.
Од март 2022 година во Шангај се забележани повеќе од три милиони заразени со корона вирусот, па во градот е воведен „супер карантин“, поради што на приодите кон пристаништето чекаат дури 470 товарни бродови.
With Shanghai in a near total lockdown, this is a map of the commercial ships currently waiting offshore to be loaded and offloaded of goods; exacerbating global supply chain woes pic.twitter.com/Md6PtpF3VE
— Scott Gottlieb, MD (@ScottGottliebMD) April 18, 2022
Бродовите почнаа да се редат пред пристаништето откако властите воведоа „заклучување“ низ градот минатиот месец за да го контролираат ширењето на коронавирусот. Поради бавното работење на најпрометното пристаниште во светот, погоден е глобалниот синџир на снабдување.
Сликите од веб-страницата „Marine Traffic“, која ги следи моменталните позиции на пловните објекти во меѓународните води, ја покажуваат неверојатната гужва што се создала во водите околу кинеското пристаниште.
Товарните бродови во транзит се претставени со зелени точки на сликата, додека танкерите се претставени со црвено.
Засега нема индикации дека водите околу Шангај ќе се „расчистат“, додека самиот град е загрижен за економските последици од новото, строго „заклучување“.
