Европската централна банка (ЕЦБ) ќе започне да го забавува купувањето на обврзници за пандемијата во четвртиот квартал и може да не ја исцрпи целата програма од 1.850 милијарди евра пред да заврши следната година, се очекувањата на економистите анкетирани од Блумберг.
Подобрената економска перспектива ќе им овозможи на креаторите на монетарната политика да го намалат темпото на купување од 80 милијарди евра месечно во септември на околу 50 милијарди евра во март, се вели во студијата. Одлуката за прекинување на програмата, како што е планирано во моментов, се очекува дури на крајот на годината.
“Би било прерано да се одлучи да се стави крај на програмата за итни случаи за откуп на обврзници во случај на пандемија, но намалувањето на месечните набавки е разумно – особено затоа што условите за финансирање се подобрија од јуни“, рече Јерг Ангеле, виш економист во Bantleon Bank AG.
Управниот совет на Европската централна банка ќе одржи состанок следниот четврток (9 -ти септември) за да одлучи за откупната политика во наредниот период.
Овој потег ќе дојде само неколку недели откако претседателот на Федералните резерви, Џером Пауел, рече дека заздравувањето на пазарот на трудот во САД и изгледите за инфлација може да и овозможат на американската централна банка да започне со повлекување стимулации уште оваа година.
Повеќето економисти во истражувањето не очекуваат овие случувања да влијаат врз ЕЦБ бидејќи инвеститорите веќе се прилагодија на ова сценарио.
Забавувањето на купувањето на обврзници за заштита од негативните ефекти од пандемијата, како што беше предвидено, ќе ја остави ЕЦБ на околу 70 милијарди евра од целосното искористување на планираната програма. Претседателката на ЕЦБ, Кристин Лагард рече дека оваа институција не е должна да ги троши сите пари се додека трошоците за позајмување се поволни, пишува Блумберг.
Испитаниците изразија загриженост дека нарушувањата во синџирот на снабдување и, во помала мера, инфлаторните притисоци и заканата од нови блокади може да влијаат на економските изгледи за еврозоната. Индикаторите за расположение неодамна паднаа, а потрошувачките цени растат со годишна стапка од три проценти, што е најбрзо во последната деценија.
Следната недела, ЕЦБ ќе претстави нов сет на прогнози, според кои економистите ќе покажат побрз раст и нагорни ревизии оваа година за инфлацијата во 2021 и 2022 година, а потенцијално и во 2023 година. Дури и тогаш, тој резултат најверојатно ќе биде далеку под целта на централната банка.
Од друга страна, евентуалното забрзано созревање на обврзниците до крајот на програмата “ќе ја покаже обновената посветеност на ЕЦБ да ја достигне посакуваната цел за инфлација“, рече Кјара Зангарели, економист во Nomurа.
Но, тоа не е дебатата закажана за следната недела.
“Поголема битка за калибрација на купување обврзници ќе биде закажана за декември“, рече Пит Кристијансен, главен стратег во Danske Bank: “ЕЦБ има многу време да чека дополнителни статистички податоци“.
