Електричната мобилност продолжува да се шири низ нордиските земји. Норвешка останува јасен лидер со најголем удел на електрични автомобили, додека Данска брзо го достигнува заостанувањето во однос на стапката на раст.
Полугодишниот извештај на Норвешкиот совет за информации за патниот сообраќај (OFV) покажува дека процесот на електрификација на возните паркови на патнички автомобили напредува, објавува Electrive.com.
(OFV) објави податоци за бројот на електрични автомобили во нордиските земји на крајот од првата половина од 2026 година.
Како што се очекуваше, Норвешка е сè уште далеку напред, со електрични автомобили кои сочинуваат 34,31 проценти од вкупниот возен парк на патнички возила.
Данска следи со 22,37 проценти, додека Шведска и Финска сè уште бележат едноцифрени удели – 9,34 проценти и 6,98 проценти, соодветно. Во споредба со истиот период минатата година, уделот на електрични автомобили во возниот парк се зголемил за 16,4 проценти во Норвешка, 47,9 проценти во Данска, 21,0 проценти во Шведска и 36,9 проценти во Финска.