Ер Франс планира да ги продолжи летовите меѓу Париз (аеродром Шарл де Гол) и Тел Авив од 24 јануари три пати неделно – во среда, четврток и недела, се наведува во соопштението на компанијата.
Тој распоред на летови ќе биде многу помал отколку пред 7 октомври, со две дневни врски со големи авиони Ербас А350.
Ер Франс повторува дека безбедноста на патниците и членовите на екипажот е апсолутен приоритет и постојано ја следи ситуацијата на териториите каде што летаат нејзините авиони со цел да се обезбеди безбедност на највисоко ниво, се вели во соопштението.
Трансавиа, нискобуџетната подружница на групацијата Ер Франс-КЛМ, која исто така ги прекина своите врски, „размислува за обновување на летовите до Тел Авив од почетокот на февруари“, изјави нејзиниот портпарол за АФП.
Најавата на Ер Франс доаѓа еден ден по датумот што претходно го објави германската групација Луфтханза за обновување на врските со Израел.
Многу други авиокомпании престанаа да летаат кон Израел по смртоносни напади од Хамас и ракетни напади од Газа, особено кон регионот Тел Авив.
На почетокот на конфликтот, Ер Франс имаше неколку специјални летови од Израел до Франција, на штета на француското Министерство за надворешни работи за репатријација на француските граѓани.
