Турскиот претседател Реџеп Таип Ердоган ја повика централната банка да продолжи да ја намалува нејзината главна каматна стапка на под 10 отсто до крајот на годината, пркосејќи им на инвеститорите и економистите кои велат дека се потребни зголемувања на каматните стапки за да се скроти инфлацијата која дивее и е над 80%.
„Каматната стапка е намалена на 12 отсто“, рече Ердоган во интервју во живо за телевизијата CNNTurk.
„Од сега нема раст, ќе продолжи да паѓа. Тоа ќе ја намали и инфлацијата“, додаде турскиот претседател, пренесе Блумберг. Ердоган рече дека се надева оти монетарните власти ќе направат дополнителни намалувања на референтната каматна стапка во октомври.