![0011](https://biznisinfo.mk/wp-content/uploads/2024/01/0011-696x326.jpg)
Европската унија планира да привлече до 10 милијарди евра инвестиции за да создаде транспортен коридор од Европа до Централна Азија преку регионот на Кавказ и Турција, заобиколувајќи ја Русија, се вели во соопштението на Европската комисија (ЕК) во врска со ЕУ- Инвестицискиот форум за транспорт на Централна Азија којшто се одржува во Брисел. За овој коридор Брисел е подготвен да одвои 2,97 милијарди евра, пренесува Тас.
Војната во Украина нагласи дека е неопходно да се најдат „алтернативни, сигурни и ефикасни трговски патишта меѓу Европа и Азија кои не минуваат низ Русија“, се додава во соопштението на Европската комисија.
За време на форумот, Европската инвестициска банка (ЕИБ) потпиша меморандуми за разбирање со владите на Казахстан, Киргистан и Узбекистан, како и со Банката за развој на Казахстан, во вкупен износ од 1,47 милијарди евра, пренесува Танјуг.