Во 2004 година, Парламентот и Советот на Европската Унија ја променија европската воздухопловна индустрија кога ја усвоија Регулативата 261/2004. Со ова се регулира „компензацијата и помошта на патниците во авионите во случај на одбиено качување и откажување или долго доцнење на летовите“, како што стои во официјалниот наслов. Додека здруженијата за заштита на потрошувачите и патниците ја фалат Регулативата 261 на ЕУ, авиокомпаниите ја критикуваат.
Тие тврдат дека мора да се докаже дека доцнењето било предизвикано од вонредни околности и дека тоа ни тогаш не можело да се избегне. Полското претседателство со Советот на ЕУ си постави за цел сега да ја измени Регулативата 261, а нацртот се очекува да биде готов до јуни.
Во новата регулатива, Комисијата сака да предвиди отштета од 250 евра за летови до 3.500 километри, но сега само за доцнење од пет часа или повеќе.
Во извештајот се наведува дека доцнењето од девет часа или повеќе ќе резултира со парична казна од 400 евра за рути подолги од 3.500 километри во ЕУ или до 6.000 километри за летови надвор од ЕУ. По доцнење од дванаесет часа на летови подолги од 6.000 километри, обезбедени се 600 евра.
Парламентот, пак, предлага за доцнење од пет часа и повеќе патниците да добијат 300 евра за летови до 2.500 километри, 400 евра за летови меѓу 2.500 и 6.000 километри и 600 евра за летови подолги од 6.000 километри, пренесува Екапија.