Кинескиот гигант за недвижности Евергранде соопшти дека продава удел од 1,5 милијарди долари што го поседува во комерцијална банка, додека се обидува да собере пари што им ги должи на клиентите, инвеститорите и добавувачите.
Компанијатa речиси избегна банкрот, но е презадолжена. Како што понатаму пренесува BBC, речиси 20% од акциите во државната банка Shengjing Bank, всушност, се откупуваат. Овој потег доаѓа откако Евергранде минатата недела не плати камата на обврзниците. Компанијата, која сега е без готовина, и која беше број еден во Кина во нејзиниот домен, исто така денеска го истекува рокот за уште една отплата на каматата на обврзниците од 47,5 милиони долари. Според договорот објавен на берзата во Хонг Конг, средствата од продажбата ќе бидат искористени за подмирување на финансиските обврски на Евергранде кон Shengjing банката.
Во исто време, рејтинг агенцијата Фич објави дека го намалила кредитниот рејтинг на кинеската градежна компанија Евергранде и нејзините подружници.
