Европа презема мерки против високите цени на електричната енергија

41

Европската комисија ќе усвои сет инструменти со кои Европа може да реагира на драстичниот пораст на цените на енергијата, објави БНР, повикувајќи се на извор во Европската комисија. Колегиумот на комесари ќе подготви коминике во кое ќе се анализира моменталната состојба.

Ќе бидат разгледани краткорочните мерки што треба да се преземат во земјите-членки на ЕУ, како и чекорите за поголема одржливост на енергетските системи на среден рок.

Во моментов, има зголемување на цените на енергијата на големо за над 200%.

Неодамна еврокомесарот за енергетика Кадри Симсон истакна дека цените ќе растат до април. Потоа се очекува тие да опаднат, но ќе бидат променливи до крајот на зелената транзиција.

„Ова е знак дека треба да ја забрзаме транзицијата кон зелена енергија, бидејќи сме силно зависни од увоз на цврсти горива. 97 проценти од нафтата и 90 проценти од гасот се исто така увоз“, рече Европската комисија.

Зголемувањето на цените на енергијата во Европа не влијае само на потрошувачите, напиша неодамна Оил Прајс. Растот, исто така, тешко ја погоди индустријата, заканувајќи се дека ќе го попречи заздравувањето на европските економии по пандемијата, кои се соочуваат со намалена куповна моќ на потрошувачите, пониско производство и повисоки оперативни трошоци.

Големите европски корпорации – од хемиските гиганти, преку рударскиот сектор до производителите на храна – објавија дека екстремно високите цени за природниот гас и електрична енергија им се закануваат на нивните маржи и предизвикуваат намалување на некои од нив.

Некои веќе се затворени поради рекордните цени на природниот гас.