Швајцарија не очекува да влезе во рецесија оваа година и покрај глобалната криза предизвикана од војната во Украина и нарушувањето на светските енергетски резерви. Главниот економист во швајцарската влада Ерик Шајдегер изјави дека швајцарската економија оди добро и дека не се очекува рецесија.
– Во нашето најлошо сценарио, рецесијата може да се очекува дури во 2023 година, со стапка од само два отсто – вели Шајдегер.
И покрај заканата од недостиг на електрична енергија и ефектите од војната во Украина, Шајдегер не гледа сериозна економска криза која се движи кон Швајцарија.
– Во моментов состојбата во економијата е сè уште добра. Показателите дури покажуваат дека економијата се развива подобро по избувнувањето на војната во Украина. Мерките за економска поддршка како општите поволности или даночните олеснувања во моментов не се ниту неопходни ниту корисни – додаде тој.
Шејдегер, исто така, рече дека швајцарската економија е помалку чувствителна на високите цени на енергијата од другите европски земји, бидејќи гасот сочинува само пет проценти од нивната вкупна потрошувачка на енергија.
Тој рече дека владата ќе разговара за можните мерки за ограничување на високите цени на енергијата во наредните недели, што би можело да вклучи намалување на премиите за здравствено осигурување за домаќинствата со ниски приходи.
Во однос на инфлацијата, тој рече дека Швајцарија е „остров на блаженството“ во споредба со САД и дека инфлацијата најверојатно ќе падне пред крајот на годината, пренесува SEEbiz.