Европската комисија повторно предлага замрзнување на цената на гасот

15

Европската комисија годинава ќе препорача продолжување на мерките за ублажување на поскапувањето на струјата и гасот, иако моменталната состојба е поповолна од минатата зима.

Тоа значи дека новата одлука ќе важи за сите земји кои ќе ја прифатат до 2025 година, иако складиштата за гас се полни, цените на енергијата се далеку пониски од минатата година, објави „Нови лист“.

Покрај тоа, беа обезбедени алтернативни патишта за снабдување, заобиколувајќи ја Русија како снабдувач.

Европската комисија на крајот на ноември минатата година му предложи на Советот на ЕУ продолжување на неколку итни мерки за решавање на енергетската криза. Замрзнувањето на цената на гасот требаше да заврши во февруари годинава, но министрите за енергетика се договорија за спроведување на оваа мерка до јануари 2025 година.

Европската комисија оцени дека мнозинството земји-членки ќе ги укинат овие мерки, но дека „тоа не е случај во Хрватска, Франција, Луксембург, Малта, Германија и Португалија, за кои се предвидува дека значајните мерки сепак ќе бидат во сила следната година“.

Како што се додава, комисијата не очекува Австрија, Белгија, Хрватска, Германија, Италија, Латвија, Луксембург, Холандија и Словачка да ги искористат заштедите што би произлегле од укинувањето на енергетските мерки за намалување на буџетскиот дефицит.