Минатата година Европската унија потрошила 381,4 милијарди евра за истражување и развој (R&D), 6,7 отсто повеќе на годишно ниво и 57,9 отсто повеќе од пред десет години, покажуваат податоците на Евростат, статистичката служба на Европската унија.
Најголем дел од расходите за истражување и развој е забележан во секторот деловни претпријатија. Минатата година овој сектор учествуваше со 66 отсто од трошоците на ЕУ за истражување и развој, што е вкупно 253,1 милијарди евра.
На второ место е високообразовниот сектор со 81,7 милијарди евра или 21 отсто, потоа државниот сектор со 41 милијарда евра или 11 отсто и на крајот непрофитниот сектор со 5,5 милијарди евра или еден отсто.
Статистичарите наведуваат дека интензитетот на истражување и развој, кој се дефинира како учество на расходите за истражување и развој во БДП, минатата година останал стабилен во однос на 2022 година и изнесувал 2,2 отсто.
Интересно е што во периодот од 10 години, меѓу 2013 и 2023 година, порасна за само 0,1 процентен поен, наведува Евростат.
Во тој период порасна во 19 земји од ЕУ, а најмногу во Белгија, за еден процентен поен. Потоа се Полска и Грција, и двете со по 0,7 процентни поени.
Во 2023 година, дури пет земји пријавија интензитет на истражување и развој поголем од три проценти. Најголем интензитет е забележан во Шведска од 3,6 отсто, потоа Белгија и Австрија со по 3,3 отсто и Германија и Финска со по 3,2 отсто.
Фото: Pixabay