Европските берзи тргуваа претпазливо во четврток наутро, при што индексите малку пораснаа и со тоа ги компензираа вчерашните загуби.
Индексот STOXX 600 на водечките европски акции порасна за 0,3 проценти во 9:30 часот наутро, надоместувајќи дел од вчерашните загуби.
Во исто време, лондонскиот FTSE индекс зајакна за 0,10 проценти, на 8.727 поени, додека франкфуртскиот DAX се зголеми за 0,53 проценти, на 23.625 поени, а парискиот CAC за 0,40 проценти, на 7.588 поени.
Азиските берзи се исто така претпазливи. Индексот MSCI на акциите од Азиско-пацифичкиот регион беше во 9:30 часот наутро речиси непроменет во споредба со вчера.
Во исто време, цените на акциите во Австралија, Шангај, Хонг Конг и Јужна Кореја паднаа помеѓу 0,1 и 0,9 проценти. Во Јапонија, пак, тие се зголемија за 1,65 проценти.
По два дена раст на пазарот, инвеститорите се воздржани утрово бидејќи ентузијазмот за примирјето меѓу Израел и Иран стивна, а нема нови значајни вести што би поддржале понатамошен раст на цените на акциите.
Фото: pixabay