Европските берзански индекси денес се малку во пад, цените на нафтата, златото и пченицата се во пораст, додека инвеститорите ги следат геополитичките случувања околу Украина и Блискиот Исток и го очекуваат претстојното гласање за планот за даноци и трошоци на Трамп во Претставничкиот дом на САД.
Долгот на САД веќе изнесува 36,2 трилиони долари, а економистите предупредуваат дека планот на Трамп би можел да ја зголеми оваа бројка за уште три до пет трилиони долари во следната деценија, пренесува Ројтерс.
Индексот DAX на Франкфуртската берза падна за 0,14 проценти на 23.980,25 поени, лондонскиот FTSE 100 за 0,18 проценти на 8.766,98 поени, францускиот CAC 40 за 0,41 процент на 7.911,67 поени, московскиот MOEX за 0,19 проценти на 2.819,15 поени.
Вредноста на американскиот берзански индекс Дау Џонс падна за 0,27 проценти на 42.677,24 поени, индексот S&P 500 за 0,39 проценти на 5.940,46 поени, а вредноста на индексот Nasdaq за 0,38 проценти на 19.142,71 поени.
Европските фјучерси за гас за јуни беа продадени на отворањето на берзата TTF по цена од 37,595 евра за мегават-час.
Според моменталните податоци од берзата, цената на суровата нафта се искачи на 62.756 долари, а цената на нафтата од типот Брент се искачи на 66.030 долари.
Цената на златото се искачи на 3.311,45 долари за унца, а цената на пченицата на 5,4701 долари за бушел (еден бушел е еднаков на 27,216 кг).
Вредноста на еврото во однос на доларот на берзата Форекс е 1,13206, што е за 0,33 проценти повисока отколку на почетокот на тргувањето.