На европските берзи денеска благо пораснаа цените на акциите, враќајќи дел од загубите од претходниот ден, додека инвеститорите ги очекуваат одлуките на првиот човек на британската централна банка (БОЕ).
Индексот STOXX 600 на водечките европски акции по вчерашниот пад во 9:30 часот порасна за 0,1 отсто.
Лондонски FTSE индекс утринава зајакна 0,02 отсто, на 8.205 поени, додека франкфуртски DAX порасна за 0,34 отсто, на 18.128 поени, а париски CAC за 0,24 отсто, на 7.588 поени.
Во фокусот на инвеститорите денеска ќе биде средбата на лидерите на британската централна банка. Не се очекува намалување на каматните стапки, иако инфлацијата во Британија постепено се намалува.
Повеќето аналитичари очекуваат британската централна банка да ги намали каматните стапки на состанокот во август.
И на повеќето азиски берзи цените на акциите паднаа. Индексот MSCI на азиско-пацифичките акции, без јапонските акции, беше во минус од 0,1 отсто во 9:30 часот, по два дена раст.