Европските берзански индекси го започнаа декември со мал пад, особено акциите во индустрискиот сектор, додека нафтата и златото пораснаа.
Акциите на францускиот „Ербас“ денес паднаа за 2,1 процент откако компанијата во петокот објави дека ќе мора да изврши итни поправки на 6.000 авиони од серијата А320, што претставува повеќе од половина од глобалната флота, објавува CNBC.
Дополнително, акциите на германскиот „Рајнметал“ паднаа за 2,5 проценти, како и на италијанскиот „Леонардо“ за 1,5 проценти, бидејќи инвеститорите го следеа напредокот во мировните договори за Украина пред посетата на американскиот специјален претставник Стив Виткоф на Москва за разговори со претседателот Владимир Путин и други претставници на Кремљ.
Денес во 10:30 часот, индексот DAX на Франкфуртската берза падна за 0,63 проценти на 23.675,58 поени, францускиот CAC 40 за 0,18 проценти на 8.107,64 поени, британскиот FTSE 100 за 0,05 проценти на 9.716,05 поени, додека московскиот MOEX порасна за 0,37 проценти на 2.686,46 поени.
Вредноста на американскиот берзански индекс Dow Jones порасна за 0,61 процент на 47.716,42 поени, вредноста на индексот S&P 500 за 0,54 проценти на 6.849,09 поени, а вредноста на индексот NASDAQ за 0,65 проценти на 23.214,69 поени.
Европските фјучерси за гас за јануари беа продадени денес на отворањето на берзата TTF по цена од 28.440 евра за мегават-час.
Според моменталните податоци од берзата, цената на суровата нафта се искачи на 59.734 долари, а цената на нафтата Брент се искачи на 63.562 долари.
Цената на златото се искачи на 4.248,07 долари за унца, а цената на пченицата падна на 5,2821 долари за бушел (еден бушел е еднаков на 27,216 кг).
Вредноста на еврото во однос на доларот на берзата FOREX е 1,16187 долари, што е за 0,19 проценти помалку отколку на почетокот на тргувањето.