Европските потрошувачи не очекуваат ништо добро: Зголемените трошоци и инфлацијата ги потонаа очекувањата

10

Очекувањата на потрошувачите во ЕУ и еврозоната паднаа во септември на најниско ниво откако Европската комисија спроведе истражување.

Индексот на очекувањата на потрошувачите во еврозоната падна во септември за 3,8 поени во однос на претходниот месец, на минус 28,8 поени, објави во четвртокот Брисел.

Во август неговата вредност се зголеми за 2,1 поен.

Потонаа и очекувањата на потрошувачите во ЕУ, изразени со пад на индексот за 3,5 поени, на минус 29,9 поени. Во август истиот индекс се зголеми за еден поен.

Септемвриските вредности на индексот во двете области се најниски од 2010 година, кога Комисијата почна да објавува истражување за очекувањата на потрошувачите за економијата.

Песимизмот беше предизвикан од високата инфлација и трошоците за живот, поттикнати од скокот на цените на енергијата и најавите за штедење кои треба да обезбедат испораки откако Русија ги намали испораките на гас поради западните санкции, пренесоа агенциите.

Во август енергијата во еврозоната поскапела за 39 отсто од истиот месец лани, а храната поскапела за 11 отсто, што им создава дополнителни проблеми на граѓаните кои се повеќе ги намалуваат трошоците за основните потреби.

Комисијата кон крајот на месецот ќе ги објави конечните резултати од истражувањето за очекувањата за економијата на ЕУ и еврозоната, вклучително и индустријата, трговијата на мало, услугите и градежниот сектор.