Европското учество во извозот на руската нафта и гориво падна на 5 отсто

14

Русија очекува дека извозот на нафта и нафтени деривати во Европа ќе сочинува најмногу четири до пет отсто од вкупните испораки во 2023 година, изјави рускиот вицепремиер Александар Новак.

Претходно испорачавме 40 до 45 отсто од нафтата и нафтените деривати во Европа, а оваа година очекуваме таа бројка да не биде поголема од четири до пет отсто од вкупниот извоз, рече Новак, според извештајот на новинската агенција ТАСС.

Кина и Индија ја презедоа улогата на главни извозни дестинации во сегашните услови, додаде министерот, посочувајќи дека уделот на Кина во извозот е од 45 до 50 проценти.

Извозот во Индија силно пораснал, тврди рускиот официјален претставник.

Порано речиси воопшто не извезувавме во Индија, но во изминатите две години вкупниот удел во извозот во Индија се зголеми на околу 40 отсто, рече Новак.