Економијата на Еврозоната забележа раст од 0,2 проценти во третиот квартал од 2025 година, што ги надмина очекувањата на аналитичарите, и покрај стагнацијата во Германија и Италија, објавиевропската статистичка агенција Евростат.
Растот во споредба со претходниот квартал претставува забрзување во споредба со скромните 0,1 процент во вториот квартал, а е и повисок од прогнозираните 0,1 процент што ги очекуваа економистите во анкетата на Ројтерс, објави бриселскиот портал „Еурактив“.
На годишно ниво, економската активност во 20-те земји што го користат еврото порасна за 1,3 проценти, додека пошироката Европска Унија оствари малку посилен раст, 0,3 проценти на квартална основа и 1,5 проценти на годишна основа.