Еврото денеска се тргуваше блиску до највисокото ниво од 22 мај во однос на доларот, добивајќи 0,15 отсто на 0,9838 долари, додека американската валута ослабна во однос на кошницата на големи ривали.
Во исто време, британската фунта го продолжи своето закрепнување, по одлуката на владата да се откаже од контроверзните намалувања на данокот на доход за најбогатите во Британија.
Меѓу другите валути, австралискиот долар остро падна во однос на американскиот долар откако централната банка на земјата ги изненади пазарите со помал од очекуваното зголемување на клучните каматни стапки, пренесуваат агенциите.
Австралискиот долар во еден момент од тргувањето потона за дури 0,97 отсто во однос на американскиот истоименик, а според последните достапни податоци се тргува на ниво од 0,6482 долари или 0,5 отсто.
Ројтерс објави дека австралиската централна банка објави забавување на темпото на затегнување на монетарната политика бидејќи каматните стапки на готовинските заеми значително се зголемија за краток временски период, но ја оставија вратата отворена за натамошни зголемувања на референтната стапка.
