Новите нарачки во фабриките во САД паднаа за 3,6 отсто на месечно ниво во октомври на најниско ниво од април 2020 година, соопшти американското Министерство за трговија. Истовремено, Министерството за трговија нареди ревидирање на податоците за септемврискиот месечен раст од 2,8 на 2,3 отсто.
Годишното намалување на нарачките во октомври се должи пред се на помалиот интерес за превозни средства – овие нарачки паднале за 14,7 отсто, пишува Seebiz.
Ова во голема мера е резултат на 47,9 отсто пад на нарачките за цивилни авиони и делови, како и штрајкот во автомобилската индустрија, кој оттогаш заврши, па аналитичарите очекуваат подобрување на статистиката за ноември.
Нарачките за моторни возила и делови во октомври се намалени за 0,8 отсто на месечно ниво. Без транспортниот сектор, фабричките нарачки паднаа за 1,2 отсто во октомври.
Нарачките за трајни производи паднаа за 5,4 отсто, по четири отсто зголемување во септември.
Нарачките за нетрајни производи паднаа за 1,9 отсто на месечна основа во октомври, откако претходниот месец пораснаа за 0,6 отсто.
Нарачките за таканаречените основни капитални добра, без одбраната и воздушната, се намалени за 0,3 отсто во октомври во однос на септември.
Во споредба со минатата година, САД сепак забележаа пет отсто зголемување на нарачките во октомври.