Животот станува поскап. Изнајмувањето, заемите, намирниците и трошоците за храна и превоз се зголемија и го поскапеа секојдневието. А најголемиот проблем е што повеќето од нас, за да преживеат од плата до плата, трошат уште повеќе и влегуваат во долг на кредитна картичка.
„Ако продолжите да трошите како пред да пораснат каматните стапки или пред секојдневните работи да станат поскапи поради инфлацијата, неизбежно ќе влезете во спирала на прекумерно трошење и долгови“, вели Хилари Сејлер, основач на фирмата за финансиска писменост Financial Footwork.
„Луѓето никогаш не сакаат да го слушнат тој еден совет, но секогаш е важно да потрошите помалку отколку што заработувате, без разлика на економските услови, а камоли во тешки услови.
Сејлер работи со многу клиенти кои сакаат да ја вратат контролата врз сопствените финансии и да обезбедат финансиска стабилност и долгорочна благосостојба.
„Луѓето мислат дека прекумерното трошење или живеењето над вашите можности значи купување на скап автомобил или одење на фантастичен одмор, но верувале или не, дури и одењето на шопинг може да предизвика претерано трошење и да се задолжите“, додаде Сеjлер.
Сејлер ги наведува следните три начини да потрошите помалку отколку што заработувате:
1. Прегледајте ги и приспособете ги потрошувачките навики
Преиспитајте го начинот на кој ги трошите парите. Дали сè уште излегувате три пати неделно, нарачувате многу работи и предмети преку Интернет и јадете надвор секој ден?
„Доволно ми е да го видам изводот од банката на клиентот и веќе знам точно каде фрла огромни суми пари во бунарот. Можеби мислите, добро, јас немам автомобил или не трошам многу на карти, но вие трошите многу пари на други работи“, вели Сејлер.
„Водењето домаќинство обично претставува најголем трошок, а сега луѓето најмногу се борат со тоа, а тоа се намирници, предмети за домаќинството, подготовка на оброци и транспорт“, рече таа.
Покрај тоа, можеби ќе треба да се соочите со фактот дека не можете да живеете или трошите како што сте можеле порано. Ако сакате да ги намалите трошоците, можеби ќе треба да ги намалите работите и да купите помалку. „Можеби ќе ви треба сосема поинаква пресметка“, вели Сејлер.
2. Избегнувајте да се задолжувате по секоја цена
„Им велам на сите клиенти да избегнуваат да се задолжуваат по секоја цена“, изјави Сејлер за Business Insider. Тој, исто така, предупредува дека само затоа што плаќате со кредитни картички не значи дека можете да потрошите повеќе отколку што би плаќале со дебитни картички.
„Дури и ако компанијата за картички ви дава наградни поени или пари назад, тоа во никој случај не е причина за прекумерно трошење“. Тоа само значи дека носите неплатени давачки од месец во месец и плаќате огромна камата за тоа. Користете ја картичката за да купите само она што можете да го исплатите во тековниот месец“.
3. Заштедата нека ви биде прв приоритет
Високите каматни стапки можат да бидат дури и корисни кога станува збор за штедење. „Секој треба да размисли за отворање штедна книшка со висок принос“, вели Сејлер. „Сега можете да добиете подобри каматни стапки на орочените заштеди и тоа ќе ви помогне брзо да ја изградите вашата главнина.
Сејлер препорачува да го вклучите износот што сакате да го заштедите во вашиот месечен буџет и да го зголемувате на секои три месеци. Трошењето помалку ќе ви помогне да заштедите повеќе и да ја подобрите финансиската сигурност.
