Фолксваген планира за кинескиот пазар следната година автомобил кој, под одредени околности, може да го преземе целосно автономното возење, објави групацијата во среда.
Компанијата планира да започне со испорака на возила со таканареченото трето ниво на функционалност во втората половина на 2027 година.
Аспектот на проектот што вклучува вештачка интелигенција го спроведува Фолксваген со партнерот Хоризон Роботикс, односно во заедничко вложување основано во 2022 година.
Третото ниво на функционалност подразбира можност возачот целосно да ја предаде контролата врз автомобилот на вештачката интелигенција. Барањето е предвидлива средина, како возење по автопат.
Кина се приближи до тоа ниво во секојдневниот живот и неколку производители веќе ги тестираат своите модели во реална средина. Покрај тоа, роботизираните такси, без возачи, веќе возат на одредени делници.
Од германските производители, Мерцедес и БМВ развиваа возила од висока класа со трето ниво на функционалност, но оттогаш ги суспендираа тие проекти.