Ford Motor Company планира да го забрза производството на електрични возила со зголемување на инвестициите на 20 милијарди долари. Програмата, предводена од поранешни експерти од Apple и Tesla, предвидува трошење дополнителни 10 до 20 милијарди долари во следните пет до 10 години.
Потенцијалната инвестиција е надополнување на веќе планираните 30 милијарди долари кои Форд ќе ги инвестира до 2025 година, пренесува CNBC.
Форд инвестира дополнителни 11,4 милијарди долари со јужнокорејската фирма SK Innovation за изградба на три фабрики за батерии и фабрика за електрични камиони. Инвестициите се дел од планот „Форд +“ кој беше најавен во мај минатата година.
Акциите на Ford поскапеа за 2,7 отсто откако дозна дека легендарниот производител на автомобили ќе инвестира дополнителни 10 до 20 милијарди во преминот кон производство на електрични возила.