Франција ќе има доволно резерви на гас за зимата и во случај на силно студено време, објавија операторите ГРТгас и Терега.
Ова е еден од показателите дека втората по големина европска економија успеала да ги диверзифицира своите извори, престанувајќи да зависи од Русија, пишува Yahoo News.
Сепак, обезбедувањето доволно залихи ќе бара значителен увоз на течен природен гас (LNG) и дополнителен увоз од Шпанија, заедно со паметно управување со складирањето и релативно ниско ниво на потрошувачка во споредба со минатата година, велат операторите.
Конфликтот меѓу Русија и Украина, кој доведе до тоа Европа да ги прекине повеќето енергетски врски со Москва, предизвика сериозна загриженост за испораката на гас за Франција минатата зима. Заштедите на владата, заедно со благото време и високите цени во 2022 година, помогнаа да се намали употребата на гас за 9,3 проценти.