Групата од седум најразвиени индустриски земји (Г7) вчера од самитот во Осака повика на итно укинување на ограничувањата за увоз на јапонски прехранбени производи, кои се однесуваат на кинеските мерки воведени откако Јапонија почна да испушта отпадна вода од Фукушима.
Министрите за трговија на Г7 не ја споменаа Кина во изјавата објавена по нивниот состанок во Осака, но ја осудија, како што гледаат, растечката економска принуда на Кина во сферата на трговијата, пренесува Ројтерс.
„Ги осудуваме дејствијата кои наметнуваат економска зависност како оружје и се обврзуваме на градење слободни, праведни и заемно корисни економски и трговски односи“, се вели во соопштението на Г7.
Веднаш откако Јапонија пред два месеци почна да испушта прочистена радиоактивна вода од нуклеарната централа Фукушима во Пацификот, Кина целосно го суспендираше увозот на јапонска риба.
Јапонија и САД ја нарекоа мерката неправедна, а Русија најави слични ограничувања претходно овој месец.