Руската енергетска компанија Газпром планира годинава да почне со транспорт на гасот преку гасоводот Северен тек 2 под Балтичко Море до Германија, откако ќе заврши изградбата на целиот проект, соопшти компанијата.
Газпром има за цел да испумпува 5,6 милијарди кубни метри руски гас преку речиси целосно завршениот гасовод до Германија.
Гасоводот ќе ја заобиколи Украина, која се потпира на приходите од транзит на гас.
Вашингтон постојасно го критикуваше проектот, па дури се закануваше и со санкции кон Германија, како зголемување на зависноста на Германците од Москва.
Работата за поставување на цевките треба да заврши до крајот на август, соопшти Газпром, додавајќи дека сè уште не се знае кога точно треба да почне со работа.
По соопштението на Газпром веднаш паднаа цените на бензинот, пренесува ДПА.
Северен тек 2 минува од Виборг во Русија, преку Балтичкото море, до Лубмин кај Грајфсвалд во североисточната германска покраина Мекленбург, со Западна Померанија.
Се очекува преку новиот гасовод од Русија за Германија да се пренесуваат по 55 милијарди кубни метри природен гас годишно.
Фото: Freepik
