Гејтс: Не добивме вакцини кои го блокираат пренесувањето на вирусот (ВИДЕО)

62

На прашањето како го оценува глобалниот одговор на пандемијата што го објави откако светот се соочи со епидемијата на ебола, Бил Гејтс, ко-основач на добротворната организација „Бил и Мелинда Гејтс“, рече дека очекувал повеќе од вакцините и терапиите.

Поранешниот прв човек на „Мајкрософт“ и веројатно најважниот филантроп во светот, во интервју за британскиот тинк-тенк Policy Exchange, рече дека проблемот со вакцините за САРС-КоВ-2 е што тие не го спречуваат ширењето на инфекцијата.

Со оглед на тоа што Гејтс со години тесно соработува со научни институти и држави за развој на различни вакцини, тој секако е добро информиран и повикан да дава такви оценки.

Иако тој ја повтори својата поддршка за радикалните епидемиолошки пристапи како оние во Австралија и Нов Зеланд, фактот што Гејтс тврди дека вакцините „само малку“ го забавуваат ширењето на инфекцијата го поставува прашањето зошто голем број земји се повеќе инсистираат на ковид-пропусници врз основа на сертификати за вакцинација или прележување на болеста.

„Одржав говор на TED во 2015 година со наслов „Не сме подготвени за следната пандемија“. Тоа беше подобро предвидување за тоа што ќе се случи од она што некој би го посакал. Економската штета и смртните случаи се буквално страшни. Очекував буџетите за истражување и развој да бидат фокусирани на работи што ги немаме денес. Не добивме вакцини кои ја блокираат трансмисијата. Имаме вакцини кои ви помагаат со вашето здравје, но тие само малку го намалуваат пренесувањето. Ни треба нов начин на создавање вакцини. Не сме мрднале далеку ниту во однос на терапијата – дексаметазон и сега пиравир може да направи многу помалку отколку што би очекувале. Ние дури и не добивме дијагностика…“

Гејтс продолжи да зборува за подготовките за следната пандемија која, според него, покрај инвестирањето десетици милијарди долари во истражување и развој, треба да вклучи и „воени игри“ кои симулираат одговори на можни биотерористички напади.

Делот во кој Гејтс зборува за одговорот на идните пандемии можете да го погледнете од видеото од 27:00 минути.