„Geofencing“: Европа построга кон plug-in хибридите

13

Постои еден дел од новите регулативи за емисии на Euro7, идентификувани како Euro7G, а се однесуваат на plug-in хибридите. Всушност, законот сака да им наложи на таквите возила да користат само електрична енергија во одредени градски центри кои се класифицирани како зони со нулта емисија.

Од перспектива на возачот, ова би значело дека SUS моторот на вашето возило треба да се исклучи кога сте во зоната на нулта емисија. Имено, на хартија, plug-in хибридите се почисти од обичните автомобили со мотори со внатрешно согорување бидејќи користат електрична енергија секогаш кога е можно. Ова идеално значи дека моторот се користи поретко.

Законодавството на Euro7 има за цел да ги реши грижите поврзани со таа теорија, пишува „Јутарњи“.

Пред сè, загриженоста дека многу поединци кои поседуваат plug-in хибриди го прават тоа за даночни олеснувања или други стимулации и речиси никогаш не ја користат вградената електрична енергија, само SUS моторот.

„Geofencing“ би принудила употреба на електрична енергија во центрите на градовите каде владите сакаат да ги намалат емисиите во интерес на јавното здравје. Се предлага дека ако автомобилот нема доволно моќ да влезе или да одржува целосно електричен режим, возилото ќе има пет километри да излезе од зоната пред автомобилот да биде принуден да застане. Нејасно е што се случува потоа.

Според Autocar, Toyota смета дека ова ќе влијае на сите plug-in хибриди произведени по 1 јули 2025 година, кога ќе пристигне Euro7. Други веруваат дека само оние кои решиле да ги усогласат своите возила со Euro 7G ќе мора да се усогласат.

Непотребно е да се каже дека производителите на автомобили се незадоволни од Euro7G и Euro7 регулативите воопшто.