Германскиот железнички оператор Deutsche Bahn ќе добие околу 2,1 милијарди евра, потврди владата во понеделникот, цитирана од Дојче веле. Најголем дел од парите ќе одат за подружницата DB-Netz, која стопанисува со железничката инфраструктура.
Спасувачките средства доаѓаат по ужасни 18 месеци за Deutsche Bahn, откако пандемијата значително го намали бројот на патници. За 2020 година, DB губи 2,9 милијарди евра, а во првата половина на 2021 година – 1,4 милијарди евра.
Компанијата веќе објави дека од декември годинава значително ќе ги зголеми цените на билетите во обид да се покрие разликата.
Анак Ферлеман, парламентарниот секретар за транспорт, потврди дека првичниот договор бил постигнат во јули, а DB-Netz добил 537 милиони евра до средината на октомври.
Информацијата е дистрибуирана на барање на Слободните демократи.
Ферлеман, исто така, истакнува дека Германија одобрила помош до 3,77 милијарди евра.
